Aruba Doet a yuda Trupial Kleuterschool haya nan fabuloso pista di bicicleta

ORANJESTAD (AAN): Den fin di siman, DIARIO a tuma nota cu e boluntarionan di Aruba Doet cu a bay yuda na Trupial Kleuterschool na Santa Cruz tabatin hopi animo den nan curpa!

  Nan hunto cu e docentenan mes di e scol, a traha fuertemente e dos dianan ey pa asina e scol a haya e ‘Pista di Bicicleta’ pa e muchanan di scol,.

   E realidad di e pista di bicicleta aki a cristaliza, danki na e sosten cu nan a ricibi di DOW, cu a manda experto pa asina yuda diseña esaki riba e tereno di scol, y a hasta marca e structura di e fietspad aki.

   DIARIO a tuma nota cu hasta un rotonde a wordo instala mey-mey di e pista.

   Riba combinacion di potret por mira loke Aruba Doet a haci e soño di e muchanan di Trupial Kleuterschool bira realidad.