PHILIPSBURG: Recientemente durante bishita di Famia Real hulandes na isla di St. Maarten,
nan a ricibi un tour tambe di e facilidadnan di St. Maarten Medical Center (SMMC). Aki a papia tambe cu Rey Willem-Alexander y Reina Maxima riba e condicionnan medico cu mayoria di poblacion ta sufriendo di de.
Algo alarmante cu a ser treci dilanti, ta cu por lo menos 1 pa 2 victima di stroke ta wordo hospitaliza na SMMC cada siman.
Segun e corant The Daily Herald, e cifranan alarmante aki a wordo suministra na miembronan di Famia Real riba nan bishita teni riba nan prome dia di hospedahe na e isla.
E cardiologo Dr. Emiko Bird-Lake di SMMC a suministra e informacion riba pregunta di Reina Maxima, kende a puntra kico ta e condicionnan mas prevalente cu ta afecta habitantenan.
El a bisa nan cu tur cos cu ta conduci na un problema cardiovascular (stroke y atake di curazon) ta prevalente. E Hospital ta ricibi por lo menos 1 pa 2 hospitalizacion pa siman. Rey Willem-Alexander a puntra si: “Un pa dos pa siman pa e poblacion chikito aki?”
El a confirma cu enberdad e ta 1 pa 2 pa siman den e poblacion chikito riba e isla. Dr. Bird-Lake a bise cu e edad di hendenan cu ta sufri stroke ta varia for di 30 te cu edad di 80 pa 90 aña, pero a bisa cu e promedio en realidad ta 45 pa 65.
Dr. Bird-Lake a duna algun di e causanan predominante tambe, cu ta diabetes, motibonan di dieta, e incumplimento, consumo halto di salo, y e uso di remedi di tera. Mientras e Docter no ta descarta e uso di remedi di tera, el a bisa cu mientras cu esaki por ta util, e mester ta un combinacion y e pashent mester ta consistente. El a bisa cu nan ta haciendo esfuerzo pa yuda concientiza y preveni esaki den pueblo.
