Riba Dia di Himno y Bandera
ORANJESTAD (AAN): Luna di maart Aruba ta celebra Dia di Himno y Bandera y manera ya tabata e caso di aña pasa, eventonan publico ta worde organiza back riba Plaza G.F. Betico Croes.
E aña aki un biaha mas lo tuma luga e Festival Un Canto na Nos Himno y Bandera pa categorianan Infantil, Hubenil y Adulto. E festival pa categoria Infantil y Hubenil lo tuma luga dia 3 y 4 di maart proximo. Riba diadomingo 5 di maart lo tuma luga e festival categoria adulto.
Dia 17 di maart lo tin e Manifestacion Cultural, na unda cu Minister di Cultura ta hiba un discurso na comunidad relaciona cu e dia nacional aki. Riba e anochi aki un programa ta worde presenta riba escenario cu e.o. canto, baile, poesia, teatro y musica di nos artista- y talentonan local. Tur evento lo tuma luga riba Plaza G.F. Betico Croes y henter comunidad ta worde invita pa asisti na e festivalnan y e manifestacion cultural. Manera ta un costumber riba plaza mes ta worde organiza un feria culinario, cu benta di cuminda crioyo, boca dushi y artesania local.
Minister di Cultura hunto cu Comision Celebracion Dianan Nacional ta invita tur esnan cu ta desea pa huur un tent sea pa bende cuminda, cos dushi of artesania riba Plaza G.F. ‘Betico’ Croes pa tuma contacto cu Departamento di Cultura na telefoon 582-2185 pa sigura nan tent y ricibi tur informacion y regla necesario di Departamento di Salubridad Publico (DVG), Departamento di Inspeccion Tecnico (DTI) y Plaza G.F. ‘Betico’ Croes pa bin na remarke. Pa parti mainta lo por contact Departamento di Cultura entre 8 or pa 11 or y mey y despues di merdia for di 1 or y mey pa 4 or di atardi.
Tene na cuenta cu tur persona cu ta bay atende cu cuminda mester tin nan Foodhandlers pass (carchi berde) valido. E cantidad di tentnan ta limita. Ademas ta pidi tur organizacion cu tin un evento programa pa Dia di Himno y Bandera pa informa Comision Celebracion Dianan Nacional riba e-mail عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. pa asina e actividad por worde poni rba e calendario di evento cu lo worde promovi den nos medionan local.
