Jean Kock cursista di SVT-15:
ORANJESTAD (AAN) — Jean Kock ta un di e hobennan cursista di Sociaal Vormingstraject “SVT” 15. El a conta cu el a cuminza buscando trabao ora el a caba scol, pero no a logra; el a wak e programa di Formacion Social riba facebook y el a dicidi di purba pa wak con e por yude pa haya trabao.
Jean a comenta cu su experiencia den SVT ta bon, un tiki duro pero nan ta wordo siña ora nan ta haya trabao eyfo, kico nan tin cu haci pa traha den presion. El a indica cu parti mas duro ta esun di stage.
E desafio ta wak si nan por caba e ocho lunanan di practica, y demostra di nan parti con ta bay traha cu hende, eyfo. E kier sigui den locual e ta coriendo stage aworaki pasobra e ta algo nobo y e ta un reto pe, pasobra nunca prome el a haya su mes ta core stage den mantenimento, pero tur cos ta bayendo bon. E trahadornan ta buske pasobra nan ta haya cu e ta traha bon, y nan mes kier pa e caba e trayecto pa e bira vast den e compania.
Pa e hobennan el a expresa cu si nan kier logra algo den bida y nan tin meta, si no tin un manera eyfo, join SVT. E lo yuda nan y ora nan duna di nan banda y demostra cu nan por, nan tin un oportunidad pa sigui bay dilanti.
