Tres hubilario special na S-Chow Supermarket

ORANJESTAD (AAN): Un brindis special a ser teni recien na S-Chow Supermarket na Savaneta, pa honra tres hubilario special.

   Durante un momento hopi agradable, a sorprende nan tres cu e celebracion.  Asina a honra Hector Acuña, Fransica Castro y Yuleisy Mendez cu nan 25, 27, y 25 aña di aniversario na S-Chow Supermarket.

   Pues nan tres hunto, total a acumula 77 aña di servicio.  Gerencia a expresa palabranan di danki na e hubilarionan aki, y a felicita nan pa e dedicacion, perseverancia, amabilidad y cu nan ta semper cla pa duna servicio excepcional na clientenan.