Trabaonan di e 'Fase1 Baby Beach' ta avansando

ORANJESTAD (AAN): Minister Dangui Oduber a duna di conoce cu un otro bunita proyecto pa San Nicolas ta kedando cla.

Ta trata akinan di e trabaonan di Fase1 Baby Beach cual ta avansando.

E trabaonan aki a inicia algun siman atras, pero por spera cu asina nan ta keda totalmente cla cu e area di Baby Beach lo keda masha bunita mes.

Segun DOW, preparacion pa asfalta e caminda a cuminsa. Trabaonan di klinker y pone banchi si a keda cla.