E hobennan porfin a bay pasa pret cu Fundacion Hunga Teca

ORANJESTAD (AAN): Debi na e lockdown y e medidanan tuma a consecuencia di e pandemia actual, Stichting Hunga Teca, den cooperacion cu Heutink Foundation di Hulanda,

a start cu e proyecto “Ban Pasa Pret cu Hunga Teca” na februari di 2021. E Proyecto aki ta ensera haci paseo cu muchanan di famianan vulnerable den e edad di 6-12 aña pa duna nan e oportunidad pa ta mucha back un rato.

Te awor aki nos a bay Parke Nacional Arikok cu 2 grupo diferente; cu 2 otro grupo nos a pasa un paar di ora na Philip’s Animal Garden; y 2 otro groepen a goza di un beach tennis clinic.

Riba diasabra 29 di april Hunga Teca a bay wak e pelicula Raya cu 38 mucha na Gloria IMAX Cinema. E muchanan a haya esaki regalo di MetaCorp. Na final cada mucha a haya un rugtas cu Digicel a sponsor como recuerdo. E tasnan tabata yena cu un puzzel, cortesia di SuperFood; juice obsequia pa Bix Brandsimport, koekie y juice di Satex N.V., kleurpotlood y tekenmap di Hunga Teca, boter pa awa di Stern y Transporte El Gallo.

E bus, popcorn, refresco y cos dushi tabata cortesia di Heutink Foundation Hulanda. Pa mayoria di e muchanan, esaki tabata e di prome biaha cu nan a bay cinema. Nan a goza un mundo di e experiencia bunita aki.

Via e canal aki Hunga Teca kier gradici tur compania y voluntario cu a duna nan contibucion y aporte pa pone un sonrisa riba e cara di e 38 muchanan aki, y tambe riba e cara di e 90 otro muchanan cu a bay e otro paseonan cu nos, for di profundo di nos curason.\