Toch tabatin algun pagara tira rond di Aruba  

ORANJESTAD (AAN): Pa hopi aña tabata asina, cu riba e ultimo dia di aña, bo ta sea start bo auto of brommer, pa purba di bay mira mayoria di e tiramento di pagaranan rond Aruba, specialmente esun nan extra grandi.

   Pero awendia y vooral ceramento di 2020 y 2021, esaki no tabata e caso mas y mester a contenta nos mes, cu e poco tiramento di pagara cu tabata tin rond, specialmente pa e parti comercio.

   Aunke e tiramento di pagara a wordo hopi biaha cuestiona, debi na e tantisimo sushi cu e ta laga atras, tog e tabata un tradicion, cu hopi hende, keto bay ta disfruta di dje y ta bringa, pa e keda como parti di nos tradicion.

   E biaha aki, comercio tabatin un deadline te cu 12:00 pm pa tira pagara riba 31 di December.  Tur esey pa evita cu hendenan ta bira burachi mas laat den atardi ora di tira pagara, y cuminza lubida riba tur sorto di regla y protocol, etc.