ORANJESTAD (AAN): E ta un logro sigur grandi! Recien a honra un hubilario special na Carex Paper Products.
Esey ta debi cu Efrem Croes a cuminsa traha na Carex Paper Products como 35 aña pasa, riba 1 di december aña 1986.
El a drenta den funcion di mecanico na e fabrica. Di aña 1989 pa aña 1992 e tabata un supervisor y dirigi e lugar completo.
Efrem a forma parti di hopi proyecto den e compania y el a yuda pa extende y renoba e edificio.
Na aña 1995 ora Carex a bira un wholesaler, Efrem a bira warehouse supervisor y e te ainda e ta cu Carex na aña 2022.
Den e 35 aña den servicio Efrem a sigui crece den nos compania y e ta hopi activo den su trabao y diferente proyectonan. Nan ta hopi contento cu Efrem to forma parti di e team.
