ORANJESTAD (AAN): Shurman Milliard, Director di Telefon pa Hubentud 131 a remarca cu e temporada di carnaval semper ta uno basta druk pa e fundacion.
Den e temporada aki nan ta pone hopi enfasis riba 'peer pressure'. Ora e muchanan ta bay carnaval nan ta wak otro hendenan baila, actua, bebe y haci cosnan cu normalmente no tur ora nan a wak.
Pesey kier pa e muchanan sa cu nan por para riba nan mesun pia y dicidi pa nan mes como tambe para pa e consecuencianan, Milliard a indica.
Telefon pa Hubentud banda di esaki tin e charla di norma y balor y esey ta hopi bunita pasobra carnaval ta un temporada bunita y mester participa na un manera positivo. TPH tambe ta bay papia riba esey den charlanan, na scolnan cu kier participa. Por acerca Telefon pa Hubentud 131 pa asina papia tocante di norma y balor.
Tin 131.aw, esey ta e website di Telefon pa Hubentud. Nan doelgroep ta mucha y hoben entre 8 y 24 aña y nan por yama 131 tur dia den oranan di atardi. Un partner ta Tienda di Educacion unda mama y tata por yama tocante termento of con pa anda cu lantamento di e yiu, Shurman Milliard a indica.
