Director di ATIA, Herrick Henriquez:
ORANJESTAD (AAN): Despues di e pandemia, e economia a crece hopi lihe, pero ta bay cuminsa stagna. Asina director di Aruba Trade & Industry Association (ATIA), Herrick Henriquez a duna di conoce.
El a bisa cu si wak e raportnan di Banco Central di Aruba, e 'outlook' ta pa e stagna, pa un crecemento di 2 %, mientras cu tabata 7 % of mas.
Henriquez a indica tambe cu tin cu bay wak con por lanta esaki bek. Mundialmente ta wak prijsnan ta subi, pero tin cu bay wak e efecto pa ki dia e ley nobo di importacion ta drenta na vigor. Mester a drenta na vigor dia 1 di Januari, pero e por bira fin di mitad of fin di 2024.
E ora cu tin cu bay cuminsa un maneho pa e tarifanan nobo. Ta cosnan cu tin cu keda analisa y papia riba dje pasobra e unico manera cu prijsnan por baha na Aruba ta awo den man di gobierno, a señala.
Aruba no ta un 'price setter'. Ta un isla cu mester tuma prijs y haci business, a expresa.
Herrick Henriquez a laga sa cu e miembronan di ATIA a laga sa cu 2023 a bay bon. Pero hopi biaha e placa no ta drenta completo den saco.
Esey ta algo cu ATIA kier bay traha riba dje y sigui pusha pa crece economia, a finalisa bisando.
