ORANJESTAD (AAN): E ta algo cu ta socede tur verano! E cantidad di hendenan cu ta subi caya cu auto durante vakantie,
y e cantidad extra di vuelo durante lunanan di Juli y Augustus, ta pone cu demanda pa combustible ta subi.
Y esey ta pone cu pa Augustus 2021, e prijs di gasolin ta subi tambe un biaha mas na Aruba.
Minister di Finanzas, Asuntonan Economico y Cultura a anuncia e prijsnan nobo di benta di combustibel entrante 11 di augustus 2021:
Gasoline unleaded-premium ta subi cu 5,0 cent, pa wordo bendi awor na 235,7 cent pa liter.
Diesel LS ta subi cu 0,6 cent, pa wordo bendi awor na 189,3 cent pa liter.
Kerosin ta subi cu 2,0 cent, pa wordo bendi awor na 167,1 cent pa liter.
E prijsnan ta inclui BBO/BAZV/BAVP
