ORANJESTAD (AAN) – Fundacion Pa Nos Grandinan, Club Kibrahacha, a convoca un conferencia di prensa,
den cual a hiba palabra su director Jeffrey Matos, Charlene Leslie di Fundacion Diabetes Aruba y Helen Mohamed, presidente di Fundacion CVA Aruba.
Jeffrey Matos a anuncia cu durante e siman y lunanan siguiente, Club Kibrahacha lo organiza cuatro encuentro hunto cu Stichting Diabetes Aruba, Fundacion CVA y Aruba Heart Foundation. Esaki ta consisti di charlanan informativo, educativo tocante e tema di salud.
Seguidamente, Jeffrey Matos a pasa palabra pa Charlene Leslie, Coordinador di Proyecto di Fundacion Diabetes Aruba, ken a señala cu e tres fundacionnan menciona, a cera un bunita samenswerking hunto cu Club Kibrahacha, pa ofrece charlanan educativo pero tambe hopi interactivo, no solamente pa prevencion pero tambe e maneho di salud pa loke ta trata diabetes, stroke y curazon.
Fechanan di e cursonan ta dia 28 di Augustus, 2 di October y 6 di November, parti mainta di 9’or te 1’or di merdia, na Club Kibrahacha mes.
Esnan cu ta interesa por tuma contacto cu Club Kibrahacha pa registra den un di e tres fechanan, y ta e participantenan ta duna un contribucion chikito, pa asina confirma e participacion.
