“Ta un honor y privilegio pa e ricibi e dossier di Energia for di Prome Minister"

ORANJESTAD (AAN) – Minister Glenbert Croes a referi na e traspaso di e Cartera di Energia, cu el ricibi for di Minister Presidente Evelyn Wever-Croes, ken a carga e cartera aki e ultimo aña.

“Mi tabata tin e privilegio cu di man di nos Minister Presidente, y actual minister di energia, a haya e documento e dossier di overdraft di e portfolio di Ministerio di Energia.

Mi ta considera e vision cu nos Minister Presidente, y actual minister di energia, a pone pa Aruba, e fundeshi riba cual mi trabao ta pa acelera e implementacion cu e vision ancra den loke e ta yama e documento fundeshi di e plan di accion, cu lo mi hiba como maneho, como Minister nobo di Energia pa e Pais Aruba.

Mi ta kere cu e futuro di Aruba, e futuro di nos yiunan, e calidad di bida, lo depende di e vision aki cu ta brinda un mision pa clean accesible energia, unda cu nos lo percura pa cumpli tur e obhetivonan, cu mundo a compromete su mes den e Acuerdo di Paris; y mi meta ta pa percura pa mantene e esfuerzo en conhunto di full e sector energetico di Aruba, pa nos cumpli cu e proposito aki.

Pa mi ta un honor ricibi e dossier aki di man di nos Minister Presidente y minister di energia, y pa mi lo ta un honor pa por percura pa e documento aki haya su implementacion, y mi kier ta e acelerador pa implementa e vision aki”, Minister Glenbert Croes a subraya.