Ta bay firma contract nobo di 5 aña pa e instructornan di landamento e luna aki

ORANJESTAD (AAN): Den siman Minister Endy Croes a reuni cu representantenan di Sindicato SIMAR

unda a trata diferente topico di interes. Mandatario di Enseñansa a anuncia cu instructornan di landamento kendenan pa mas di 20 aña tin un contract di 1 aña ta bay haya un contract nobo pa 5 aña.

            E contract nobo ta wordo firma e luna aki. Sindicato SIMAR y sigur e instructornan di landamento a keda masha contento.

            Finalisando Minister Endy Croes a expresa cu e tabata un bon reunion. Manera e dignatario a expresa na diferente ocasion su porta ta habri scucha cu atencion tur e inkietudnan cu ta wordo treci padilanti y lo traha pa trece solucion na bienestar  general di pais Aruba.