ORANJESTAD (AAN): Un chauffeur awendia tin di pensa semper na un forma preventivo ora di core auto.
Coopera semper cu demas automobilistanan, y pensa pa semper bo ta mihor visible pa otronan.
Esaki ta un situacion cu a presenta e siman aki den oranan di anochi riba Green Corridor. Diripiente un di e vehiculonan aki a daña riba e highway, y e chauffeur a hala un banda.
Dos otro vehiculo tambe a para na banda pa ofrece yudanza.
Loke ta algo cu no tabata corecto, ta e hecho cu ningun di e vehiculonan aki no a ni laga nan luznan cendi, of sikiera e luznan pega-paga “hazard light” pa asina adverti demas trafico cu ta coriendo riba e highway.
Corda cu semper bo tin di haci bo mes “visible” pa otro chauffeurnan pa asina nan no haya un sorpresa inespera riba nan cu un auto staciona parcialmente riba caminda. Asina bo ta evita accident horible, cualnan a yega di socede na Aruba pa situacionnan similar.
