Stimami Sterilisami ta anuncia sterilisacion gratis pa tur cacho y pushi

Ya desde Diaranson caba

ORANJESTAD (AAN): Fundacion Stimami Sterilisami ta anuncia cu ya desde Diaranson, 20 di augustus, tur procedemento di sterilisacion lo ta completamente gratis na e clinicanan veterinario participante den su programa nacional di sterilisacion.

   E compromiso aki ta posibel danki na e yudansa generoso di Tourism Product Enhancement Fund (TPEF), Aruba Tourism Authority (ATA), Bucuti & Tara Beach Resort, y otro contribuyentenan fiel cu ta sigui duna apoyo.

   Lugarnan: Esaki ta unda bo por haya procedemento di sterilisacion gratis.  Desde 20 di Augustus, doñonan di mascota y fundacionnan di rescate por registra pa sterilisacion totalmente gratis via e website:

stimamisterilisami.com.

   Despues di registracion, participantenan lo ricibi un number di registracion cu nan lo mester trece na un di e clinicanan veterinario participante: VSH Veterinary Specialty, Hospital of Caduary Veterinary Clinic.

   Alternativamente por registra tambe via Animal Welfare Alliance Aruba (AWAA), un clinica independiente sin costo pa sterilisa cacho y pushi. AWAA ta un colaborador den e iniciativa cu Fundacion Stimami Sterilisami.

   Pa registra via AWAA por manda un email na: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. of manda un mensahe via WhatsApp na 592-9777.

   Di con sterilisacion ta importante: Aruba ta enfrenta un di e densidadnan mas halto di bestia riba caya den Caribe.  Puppies no desea ta sigui alimenta un circulo di sobrecarga cu ta pone un presion grandi riba fundacionnan di rescate, recurso publico, y ta baha tanto e calidad di bida local como e imagen turistico di e isla. Un cacho y su siguiente generacion no castra por yega na produci te 67,000 cacho, y un pushi por resulta den mas di 11 miyon pushinan den solamente seis aña. Door di para e crecemento na su origen, cu castracion y sterilisacion, nos ta preveni sufrimento, kita presion for di e refugionan y stabilisa e populacion di bestianan di caya.

   Ademas sterilisacion tambe ta duna beneficionan di salud y di comportacion directo pa bestianan. E ta baha e riesgo pa cierto tipo di cancer y infeccionnan, mehora comportacion, y yuda doñonan pa evita gasto grandi ora ta bin cacho of pushinan no desea. E ta yuda crea un medio ambiente mas limpi y bario mas sigur, menos atake di bestia y accident riba caminda, y menos sushi den espacionan publico.

   Durante ocho aña, Stimami Sterilisami a subsidia mas di 41,000 procedura di sterilisacion, reduciendo dramaticamente e cantidad di bestianan di caya riba nos isla y preveni miles di cachonan y pushinan nobo. Principio di e aña aki, e programa tabata cubri 100% di gasto pa organizacionnan di rescate y 50% pa doñonan individual, pero danki na e apoyo di sosten cu a yega, incluyendo donacion dobel di TPEF y ATA (Afl. 200,000 cada un) y Afl. 400,000 di Bucuti & Tara, e servicio vital aki ta bira gratis pa tur cacho y pushi un biaha mas.

   Un coalicion di compasion: Stimami Sterilisami a worde funda den 2016 door di Bucuti & Tara Beach Resort y e resort a keda e fuente principal di sosten financiero pa e fundacion desde e comienso. For di e comienso, Aruba Tourism Authority (ATA) a bira un partner dedica cu sosten continuo cu awe ta pasa Afl. 850,000. E Tourism Product Enhancement Fund (TPEF) tambe a demostra su apoyo grandioso durante hopi aña, reconociendo cu control humanitario di populacion ta mehora e bienestar directo di e comunidad y tambe e producto turistico di Aruba.

   Nan ta sumamente agradecido tambe pa e generosidad di otro partnernan cu ta fortalece e coalicion aki. One Love Foundation, un organizacion sin fin di lucro basa na Merca cu a cuminsa apoya Stimami den 2021, ta recauda fondo pa yuda bestianan di Aruba y a trece un impacto extraordinario door di atrae sosten internacional pa nos causa local. E aña aki, Aruba Hotel and Tourism Association (AHATA) a yega cu un donacion di Afl. 5,000, y nos ta expresa nos gratitud na tur contribuyente y organizacionnan, grandi y chikito, cu nan contribucion ta sigura cu costo nunca ta bira un obstaculo pa famianan of hende nan cu kier rescata, castra of sterilisa nan animal.

   Stimami Sterilisami ta un organizacion sin fin di lucro dedica na transforma e bida di animalnan na Aruba door di usa 100% di tur donacionnan pa cubri costonan di sterilisacion pa publico general y organizacionnan di rescate. Nos ta dedica na transparencia y responsabilidad, cu nos bukinan habri y audita pa garantisa cu cada donacion ta worde uza di manera corecto y etico.