Caranan feliz pa prome dia di scol na Scol Basico Washington

ORANJESTAD (AAN): Diaranson mainta tabata prome dia di scol na Scol Basico Washington. 

Y nan a anuncia di antemano, cu pa exactamente 7:15 am e porta grandi lo habri.

   Y manera por a spera, un grupo grandi di alumno for di trempan tabata para pafo pa warda e horario yega, y tur dos porta a wordo habri y alumnonan a drenta, cu pasonan grandi, sonrisa riba cara, y cu animo pa enfrenta 2025-2026.

   Docentenan tabatin wardando den klas, cu e nomber di alumnonan poni pafo pa asina nan mira den cual klas tin di bay sinta.

   Mayornan tambe a drenta pa asina saluda docente, y desea nan yiu tur exito pa futuro.

   Despues cu tur alumno a yega, tur a sali bay riba speelplaats dilanti e podium grandi, unda tur docente a subi bay na halto pa asina yama bon bini na tur alumno.  Nan ta sigur cu e alumnonan aki lo haci nan best den e aña escolar aki.