Stichting Reclassering a logra recauda 50 laptop computer

ORANJESTAD (AAN): For di comienzo di e aña aki, Stichting Reclassering en Jeugdbescherming Aruba a bin ta celebrando su di 60 aniversario.

   DIARIO ta corda con e organizacion a lansa un recaudacion di fondo, pa por yega na un cantidad di laptop pa duna back na comunidad. Particularmente na hobennan entre edad di 11 pa 13 aña cu a caba di cuminsa scol secundario y cu no tin e recursonan financiero necesario pa cumpra un laptop computer.

   Stichting Reclassering en Jeugdbescherming ta contento di a recauda suficiente fondo pa e cantidad di 50 laptops. E pedida di laptops a worde haci y awor e organizacion ta wardando pa e yegada di e laptops na Aruba.

   Hunto cu Departamento di Asunto Social, e Stichting Reclassering en Jeugdbescherming lo haci e distribucion di e laptops.