ORANJESTAD (AAN): E siman aki, Banco Central di Aruba a reacciona riba un boletin di prensa cu Banco Central di Curacao y St. Maarten (CBCS) a publica,
esta cu “Banco di Caribe ta prepara pa un crecimento mas amplio como parti di United Group Holdings”.
Den e boletin ey, Banco Central CBCS di e dos islanan a anuncia cu Banco di Caribe NV ta wordo bendi na United Group Holdings BV y cu e benta lo inclui tur actividad bancario di Banco di Caribe na Curacao, Aruba, Bonaire, y St. Maarten, como tambe actividadnan di aseguro y inversion di Van der Lubbe Assurantien NV, Bancarib Real Insurance Curacao NV, y BdC Investments BV. Parce cu CBCS a bisa cu e deal di benta a ser firma riba Diasabra cu a pasa pa e bendedor Ennia Caribe Holding NV, representa pa CBCS y e cumprador United.
Pero awor Banco Central di Aruba (BCA) ta informa pueblo, cu segun Articulo 17 inciso 1 di e Landsverordening toezicht kredietwezen, ta prohibi pa un persona fisico of huridico di adkiri un participacion cualifica den un entidad di credito sin e aprobacion previo di BCA. Esaki nifica cu e adquisicion di un participacion directo of indirecto den Banco di Caribe Aruba NV ta suheto na aprobacion di antemano di BCA tambe.
