Stichting BOB Aruba lanzando campaña di 'Social Selfie Contest'

ORANESTAD (AAN): Diahuebs mainta, Stichting BOB Aruba a convoca un conferencia di prensa, pa presenta nan campaña di Conscientisacion pa luna di October.

   Diantha Nuesch a indica cu ultimo lunanan Stichting BOB Aruba tabata, banda di nos programa di sondeo di tur dia, hopi activo cu nos webinar informativo: Screen bo mes, nos website nobo y charlanan virtual duna na companianan local. Tur esaki tabata e preambulo pa e luna di October cu ta conoci mundialmente como e breastcancer month. Den e luna aki ta dedica extra atencion relaciona cu cancer di pecho y prevencion den forma di deteccion na tempo.

    Nan a lansa e comienso di un campaña di conscientisacion cu ya pa varios aña ta worde haci hunto cu CIBC First Caribbean bank. Den henter luna di October nan lo ta activo cu e: “Social Selfie Contest”.

   Tocante “Social Selfie Contest”:  Nan intencion ta pa conscientisa comunidad riba un manera diferente y pa ricibi aporte di compania nan local cu ta forma parti di nos campaña pa genera fondo pa Stichting BOB Aruba. E “Social Selfie Contest” ta combina esfuerso nan pa conscientisa henter pueblo hunto cu un ‘social selfie’ sweepstake. Aki e participante tin oportunidad di gana premio, di nan tienda faborito, ora cu ta demonstra nan contribucion riba rednan social.
   Pa participa lo ta hopi facil.  Bo mester djis sigui e pasonan aki:  (1) Bishita un di e tiendanan cu ta participa na e campaña.  (2) Haci un donacion, di cualkier suma, den nos donationbox cu ta den e tienda. (3) tap #3 Saca un selfie dilanti nos donation box.

Stap #4 Upload y post bo potret riba Facebook of Instagram. Tag “Stichting BOB Auba” y  Hashtag e nomber di e tienda na e momento di bo donacion. 

   Nan a join cu diferente sector pa asina aki tur participante tin oportunidad di gana un premio di preferencia personal. Nos kier menciona cu no tin limite na participacion. Un persona por participa na un tienda of na tur e tiendanan di e “Social Selfie Contest” y di e manera aki tin mas chens pa gana premionan. Nos ta desea di referi na nos website: www.bobaruba.com pa mas informacion tocante tur e tienda nan cu ta participa na e campaña.

   Tabata presente tambe Carlos Lopez di CIBC First Caribbean bank, cu cada aña ta join nan den luna di October cu nan proyecto pa conscientisa pueblo di Aruba, como parti di nan programa “Walk for the Cure”.

   Ganador: Den luna di November lo saca e ganadornan di nos ‘Social Selfie Contest’

Sigui nos riba nos pagina di facebook y instagram pa haya tur updates tocante e contest.

   Cu bo participacion na e “Social Selfie Contest” , bo persona tambe ta colabora na conscientisacion di prevencion di cancer na pecho.

   Cancer di pecho ta hopi presente den nos comunidad pero hunto nos por yuda otro corda e importancia di participa na e programa di screening di pecho. Cu e fondonan collecta nos por keda duna informacion valioso y e servicio di sondeo di pecho cada 2 aña, na nos hende muhernan entre 45 y 75 aña di edad.

   Si ta desea di haci un donacion, esaki ta posibel via PAY.AW ( Stichting BOB Aruba ta den e lista di “Good Deeds” ) Bank transfers via nan cuenta di banco CMB 62007906.

   Nan ta haci un yamada na e pueblo di Aruba en general pa join e “Social Selfie Contest” y pa nos combersa mas tocante e tema di deteccion di cancer di pecho na tempo. Ban motiva otro y ban kibra e taboe di cancer di pecho cu tin presente na Aruba.