ORANJESTAD (AAN): Reverendo Pastoor Jozef Pelc y Reverendo Diacono Michael Nicolaas dI Parokia Birgen di Fatima Dakota
hunto cu grupo di nobena di Fatima ta invita tur parokiano, pueblo di Aruba y esnan deboto di Birgen di Fatima pa su Fiesta Patronal.
Esaki ta cuminsando cu nobena riba Dialuna 4 di October te cu diamars 12 di October pa 6:15’or di atardi, cu excepcion di Diadomingo dia 10 cu nobena ta pa 5:15’or atardi sigui tur dia pa Santo Sacrificio di Misa canta pa 7’or anochi.
Diaranson dia 13 nos ta celebra Fiesta Patronal di Birgen di Fatima cuminsando 6.20 cu Santo Rosario sigui pa Santo Sacrificio di Misa Solem pa 7’or anochi.
Por fabor tene cuenta cu tur Santo Sacrificio di Misa di 8’or di mainta ta keda cancela durante dianan di Nobena.
“Santisima Birgen di Rosario di Fatima, despacha odio for di curason di hende y na su lugar planta eyden un caridad universal, amen.”
