St. Paulus School a tene exitoso Marcha Cultural 2024 den cayanan di San Nicolas

ORANJESTAD (AAN): Alumnonan di St. Paulus School situa na Jim Blue Jacketstraat 2 na San Nicolas,

a presenta un fenomenal ‘Marcha Cultural’ riba Diabierna cu a pasa.  E alumnonan di e scol basico a presenta “Cultura di Aruba” den diferente forma riba caya.

   Cabesante Arends a splica cu e Marcha Cultural a bira e culminacion di seis siman di les cu e alumnonan a ricibi di e topico ‘Aruba’.  E scol a haci uso di e programa di ‘Aruba Certification Program’, y tur klas a haci uso di e material.  Diabierna nan a presenta tur loke e alumnonan a siña den un forma hopi creativo riba caya.

   E tabata un presentacion di full topico di Aruba, riba caya bao tononan di musica tipico.  Esaki lo bay ta e di cuatro edicion cu St. Paulus School ta haci den cuadro di Marcha Cultural.  E Marcha Cultural aki a ricibi un sosten grandi di UNOCA, y via e plataforma di Aruba Tourism Authority, esta ‘Ban Serio!’ tambe a haya sosten como patrocinador.

   Cabesante Randy Arends a indica cu e Marcha Cultural 2024 a casi uza mesun ruta di Parada di Carnaval di Mucha.