SPEEDWORLD 24 NOVEMBER 2021

Un saludo cordial na lectornan di Speedworld, presenta pa bo sirbidor Hubert ‘Furai’ Tiel. 

Awe ta duna un bista di e forma di hermandad, cu un monton di Bikers a demostra e forma cu nan a balora nan amistad pa un colega Biker di basta tempo, esta ex-Ministro Hycintho Rudy Croes, kende riba Diaranson a wordo hiba pa su ultimo lugar di sosiego.

   Na masa e amigonan coredor di Motorcycle, a bini hunto, pa asina acompaña Rudy Croes, como ex president di TTT Harley group, pa su ultimo lugar di descanso.

   Speedworld ta corda cu Rudy tempo cu e tabata president di TTT Harley group, semper cu e ta bay tin su press conference, e ta yama Speedworld prome.

   Rudy a percura pa organiza diferente tour afo, caminda hopi di nos biker nan a participa.  E ta conoci tambe como e organizador di e Betico Memorial Day Ride cu ta ricibi coredornan di exterior tambe.

   Cu Rudy sosega na paz y forsa na su señora, yiunan y demas famia.