ORANJESTAD (AAN): Recientemente relaciona cu e di 25 Aniversario di Guardacosta di Caribe Hulandes, nan a organiza un Torneo di Futbol.
Esaki a tuma lugar na veld di Mari Pampoen na Curaçao.
Na e torneo aki, varios partner hudicial di Curacao a participa pa asina purba di bay cu e trofeo.
Di Aruba tambe, un team di Guardacosta a bay pa asina participa den e torneo, y a hunga un wega contra team di SDKK.
A compronde cu tabatin un bon ambiente durante e torneo, y ademas tabatin hopi fanatico cu a bin apoya e equiponan cu a participa.
Riba Diadomingo tabatin e semi-final cu un wega hopi fuerte entre e team di Guardacosta su sosten na Curacao, y e Guardacosta su sosten na Aruba. E team ganador a bira esun di milicia di Curacao. Team di Guardacosta su sosten Curacao a sali na di dos lugar, y tercer puesto pa e team di Aruba. Douane Curacao a ricibi e premio di team mas disciplina di e torneo.
