ORANJESTAD (AAN): Segun Edwin Jacobs, director di SVb, y tambe director interno di AZV, mester bin un expresion politico riba limitacion di e contractnan pa cu e proveedornan di remedi y servicionan di laboratorio, esaki tambe den cuadro di e 'landspakket'.
Mester bin un fecha pa limita esaki y con ta bay ehecut'e, a agrega.
Despues di a reuni cu Formador di Gobierno, Evelyn Wever-Croes, Jacobs a duna di conoce cu a bin cu diferente aspecto relevante pa tene cuenta cu ne ora di forma un gobierno nobo.
Otro aspecto cu el e menciona ta cu e sosten politico pa cu e reformanan den sector di cuido ta indispensabel .
"Nos ta bay pidi e asegurado sacrifica y lo ta bon pa e asegurado sinti tambe cu politica ta tene cuenta cu su interes y ta percura pa tuma e pasonan pa percura cu su contribucion na e seguro ta uza eficasmente", a remarca.
