ORANJESTAD (AAN): Jason Brown President SMAC (Stichting Maneho di Aruba su Carnaval) a informa diaranson pa medio di un comunicado di prensa cu e 'Jump Start Ball' cu tabata programa pa Diasabra 27 di November 2021 di 9 pm pa 2 am den e Ballroom di Marriott Hotel Aruba a wordo cancela.
Mirando e situacion actual di COVID-19 y apesar di a haya green light di Crisis Team y DVG pa organisa e fiesta aki, directiva di SMAC ta di opinion cu no ta e miho momento pa organisa e actividad aki.
Lo anuncia e fecha nobo di e fiesta aki despues. SMAC a laga sa cu tur esnan cu a cumpra ticket lo haya nan placa bek. Pa esaki mester entrega e ticket cu a cumpra bek.
