Casonan activo ta sigui baha
ORANJESTAD (AAN): Siman a habri y manera ta custumber e casonan nobo di Covid-19 ta menor cu e resto di siman.
Esaki ta pa motibo cu menos hende ta test den weekend y weekend aki ta mira cu ta masha tiki test a wordo haci y esaki lo tin di haber cu diasabra tabata Dia di Labor.
E cifranan di dialuna ta indica cu 16 persona a recupera, y a registra un total di 9 caso nobo di Covid-19, di cual 0 ta no-residente.
E cantidad total di testnan ehecuta diadomingo na e diferente localidadnan na Aruba, entre otro laboratorio di hospital, laboratorionan priva y aeropuerto ta 63 test.
'Positivity rate' entre residentenan ta 15 %.
Casonan activo ta 144 (111 residente). E cantidad di fayecido relaciona cu Covid-19 ta 100.
Hospital a informa cu tin un total di 24 persona interna di cual 9 ta den Cuido Intensivo y 15 riba unidad general di Covid.
