Siete candidata cu nan creacion y presentacion den Beachwear Glam Fantasy

ORANJESTAD (AAN): Diasabra anochi a cera parti di Promenade na San Nicolas, pa asina riba e pida caminda aki di Zeppenfeldtstraat a tene e anochi di “Beachwear Glam Fantasy”, di e organizacion di Miss Youth Aruba.

   Siete candidata a presenta riba caya, cu apoyo total di publico pa asina mustra nan fantasia cu ta completamente dedica na San Nicolas, den nan costuum y discurso rond di esaki.

   E candidatanan cu a haci presentacion durante Beachwear Glam Fantasy tabata Salome Kock di distrito di Noord, Amalia Niebles Diaz di distrito di Oranjestad, Jennely Winklaar di distrito San Nicolas, Zinnia Ras di distrito Pos Chiquito, Raiy-Shenne Girigorie di Savaneta, Guizza Maria Steenvoorde di Santa Cruz, y Jady-Anne Geerman di Brazil.

   Riba combinacion di potret por mira e candidatanan aki durante nan presentacion den caya di San Nicolas.