Parlamento a crea un reglamento oficialisa den ley:
ORANJESTAD (AAN) – Presidente di Parlamento, mr. Edgard Vrolijk, ta corda con durante e pandemia gobierno a yuda hende, y pa haci esaki mester a crea un fondo y destina placa pe, cu a yama FASE.
E momento ey no tabata tin un reglamento, pasobra Aruba tabata den un calamidad, hendenan a bati porta; taxistanan a perde trabao y a keda sin entrada, mescos cu trahadornan di hotel, pilotonan di avion practicamente a keda riba caya, entre otro.
Parlamento mester a crea un reglamento, pero ta spera cu nunca mas pasa un pandemia asina na Aruba, segun Edgard Vrolijk. Pero si algo asina por bolbe pasa, mester tin un ley, of un cuadro oficialisa den ley, con por yuda hende, locual no tabata tin prome.
Vrolijk a indica cu esaki ta loke Raad y Aruba Rekenkamer a bisa tambe. Nan no a indica cu Gobierno a haci nada malo, solamente a bisa cu mester crea un ley pa si algo asina bolbe presenta, tin un cuadro structura ken por haya ayudo den dado caso.
