ORANJESTAD (AAN): Diabierna ultimo na Cas di Cultura tabata tin e showcase di 'INCBTR'.
Vicky Arens, Directora di Cas di Cultura a splica cu 'INCBTR' ta nan incubador di talento pa hoben den cual tin tres grupo activo actualmente.
Ta trata di e grupo Muchanan Sabi di Edseline Figaroa, CAA cu ta Creative Arts Aruba bao guia di Charles Croes, Paul Rubio y Charles Croes Jr. Tambe tin Andrea Kock cu su muchanan cu ta haci pintamento y crafting.
Diabierna tabata un momento pa nan mustra publico kico tur nan ta bin ta haci den e ultimo aña manera cantamento, bailamento, actuacion, pintamento, arte visual, entre otro.
Arens a expresa cu Cas di Cultura ta masha contento di por aporta na gruponan asina.
Riba combinacion di potret por aprecia algun di e momentonan special di e anochi aki.
https://diario.aw/ar/categories/noticia/general/showcase-incbtr-a-expone-hopi-talento-hubenil-den-solo-anochi#sigProId5882092e0e
