ORANJESTAD (AAN): Scolnan cu ta resorta bao di SKOA (Stichting Katholiek Onderwijs Aruba) ta bay habri riba diahuebs.
Segun informacionnan, director di SKOA, señora Anuesca Baly ainda ta den dialogo cu mediador di Gobierno, pero a dicidi pa bienestar di studiantenan, pa habri scol riba diahuebs, un dia despues cu tabata programa pa aña escolar cuminsa. E decision di no habri scol a afecta mas di 9.500 mil studiante.
Di otro banda, Gobierno di Aruba a lamenta cu SKOA ta warda te na ultimo momento, exactamente durante conferencia di prensa di Gobierno di diaranzon, pa anuncia cu scol no ta bay habri diahuebs.
Prome Minister Evelyn Wever-Croes a duna di conoce cu e relacion entre SKOA y Gobierno tabata semper uno bon y habri, cu excepcion di e relacion entre SKOA y Minister Lampe.
