ORANJESTAD (AAN): Minister di Finanza, Asuntonan Economico y Cultura, Xiomara Maduro a anuncia cu Aruba a haya prestamo di Hulanda pa asina cubri pago di debe externo den aña 2021 y 2022.
Segun Minister Maduro, di e manera aki Gobierno por sigui garantisa un bon 'standing' pa Aruba cerca inversionistanan. E refinanciamento aki, cu ta na un interes reduci, a scapa Aruba un 82 miyon florin den e proximo 7 aña.
