‘Scol Amplio nos Cosecha’ a bishita Santa Rosa

ORANJESTAD (AAN): Vakantie oficialmente a cuminza na Aruba!  Y recientemente e profesionalnan na Santa Rosa a ricibi bishita di alumnonan di ‘Scol Amplio nos Cosecha’.

   E alumnonan a yega na Santa Rosa cu un solo meta, pa admira e trabaonan cu ta wordo haci tur dia eynan, y alavez mira e bestianan cu tin.

   E tabata un dia hopi positivo, y muchanan a keda admira constantemente e animalnan y nan sistema di interactua cu e muchanan tambe.  Awor nan tin hopi mas di papia durante vakantie.

   Na final, esnan di e scol a bisa cu nan a keda contento cu e forma aki di clausura aña escolar.  Dirigentenan di scol ta yama danki na cada cunukero cu ta cuida bestianan na Aruba.