Santa Rosa dunando aporte na diferente Scol y instancia

ORANJESTAD (AAN):  Departamento di Agricultura,Cria y Pesca Santa Rosa manera semper ta aporta cu diferente instancia of Scolnan rond Aruba

pa asina stimula nan pa planta un of otro mata sea di fruta of berdura y tambe matanan herbal.            Hunto cu esaki Santa Rosa ta duna diferente guia tambe prome y durante di e proceso. Si e scol ta desea di traha un “Greenhouse” esey  tambe  Santa Rosa ta duna idea y guia con pa cuminsa.

            Na Colegio Conrado Coronel cu tabata e Ganado absoluto na mei 2019 di  'Hofi Amistad' e biaha aki Santa Rosa a yuda cu guia pa nan “Greenhouse” y tambe yuda cu move e bakinan di planta caminda e “greenhouse” mester wordo traha. E “Greenhouse” a wordo traha pa e boluntarionan di Aruba Doet riba e diasabra tras di lomba.

            Cas Shabururi hunto cu Fundacion Movimiento ta Bida un biaha mas cu placer Santa Rosa ta aporta cu gordura pa planta, cobamento di buraco pa e matanan por wordo planta y tambe ploeg e tereno cu nos machine.

            Un proyecto hopi bunita cu ta “Hofi di Bario 60+” cu sigur nos di Santa Rosa ta aplaudi y aporta. Nos ta kere cu esaki mester ta un ehempel pa otro instancia por wordo motiva pa hasi algo asina.

            Filomena College Mavo no por a keda tras. Aki tambe e aporte di Santa Rosa a yega cu ayudonan cu Gordura pa planta, matanan manera Yerb’i Hole dos diferente, Malohi, dos diferente Oregano, Lopende Kruid y Madame Janette cu ta mata di Pica. Pa cu nan “greenhouse nan a wordo guia riba planificacion y idea con pa traha esaki na e mihor manera posibel.

            Den tur e aporte nan  aki di parti Santa Rosa a conta cu ta guia y idea pa por tin un mihor producto na final di dia tabata den man di nos colega sr. Ludwig Rasmijn cu a cana hunto cu cada un proyecto y tambe esnan encarga cu cada proyecto.             Referiendo aki di docente sra Mirela Werleman di Colegio Conrado Coronel, sra. Rosa Leon di Fundacion Movimiento ta Bida conhuntamente cu Shabururi, y docente. sra. Anuradha Dwarka di Filomena College Mavo.

            Pabien na tur esnan cu di un otro manera a logra realisa e bunita proyectonan aki y danki pa corda riba Santa Rosa pa permiti nos forma parti di e esakinan.