Un Museologo ta colecta firma pa busca salba e herencia agri-cultural na Cer’i Juwana Savaneta cu den pasado tabata un fuente economico grandi pa e cultivadornan na Aruba
y cu awe ta sirbi pa yuda proteha nos clima. Investigacion cientifico ta mustra cu Aloe ta e mata cu ta converti CO2 mas cu cualkier otro mata. Investigacion tambe ta mustra cu accion tuma awe ta tuma binti aña pa wak e resultado y pa e motibo aki mester tuma accion awor.
Aruba pa via di su veldnan di Aloe abandona ya caba ta den bon direccion pa yuda proteha nos clima. Ta falta di proteccion di nos veldnan di Aloe y pa e motibo aki firma ta wordo colecta sperando di convence nos gobierno pa preserva nos veldnan di Aloe. Directie Infrastructuur y Planning ta verkavel Cer’i Juwana cu e posibilidad cu nos veldnan di Aloe cu mas cu cien aña pasa a wordo planta lo wordo rosa. Investigacion di e suelo ta mustra cu e suelo no ta fertil y rosamento di e Aloe ta hacie pio ainda.
Hopi placa y trabou mester wordo inverti den e suelo sin sa si e lo saca ganashi mientrastanto ta mas facil pa laga e veld di Aloe manera nan ta. Segun nos historia agri-cultural produccion di Aloe na Aruba a bira hopi menos pavia di e falta di hende pa traha y falta di e cuchio special pa corta e Aloe. Cer’i Juwana ta un di e lugarnan na Aruba unda e produccion di Aloe a sigui te despues di e Segundo guera mundial.
Awe e veldnan di Aloe na Cer’i Juwana e forno di aloe autentico y e casnan di cunucu ta e testigonan silencioso di e historia cu nos ta orguyoso di dje. Nos historia di importacion, plantacion y cushamento di Aloe a cuminsa na 1840 y a sigui te despues di e aña 1940. Asta tin cunukero cu te e aña 2000 tabata cushina Aloe ainda. Por wel di tin hende, apesar di Aruba Balm, cu ainda ta cushina Aloe. Esaki ta mas cu cien aña di plantacion y cushinamento di Aloe.
Antes un gran parti di e isla tabata planta cu Aloe y pa cushina Aloe palo di mondi a wordo uza. Esaki a conduci na mas cu cien aña di destruction di nos naturalesa na man di nos mesun hendenan cu pa e tempo eye tabata comprendibel. Awe e mesun Aloe por yuda stabilisa nos clima. Nos gobierno no tin cu saca placa pasobra e Aloe t’ey caba. E Aloe ta hasi nos isla rico. Si nos gobierno laga e veldnan aki para nos por gosa di e inversion cu nos grandinan den pasado a hasi cu te e dia di awe ta rende su fruta cu den cuadra di e preservacion di nos clima ta wordo yama Carbon farming.
Lilly Marlene Peterson.
