San Nicolas ta haya un mural di bunita obra di Gustave Nouel y Mo Mohamed

Un homenahe na Mama Sandra Hurtado q.e.p.d.

ORANJESTAD (AAN):  Arte ta uni nacionan. E ta transforma bida y masha hopi bez e ta sirbi pa duna homenahe na un persona, hecho, lugar of passion.

   San Nicolas a worde tranforma desde 2016 pa su arte fantastico reconoci rond mundo henter. Y ta aki ta unda cu actualmente dos artista local conoci Internacionalmente pa nan bida, obra y escrituranan, a uni pa hunto realiza e Proyecto Barbulet Monarch.

   Den e ex edificio di American Bar cu awe ta un Outreach Center pa mas di 80 adicto ambulante bao di e nomber Cas di Restauracion, e artistanan Gustave Nouel  re-enforsa pa e artista grandi di San Nicolas, Mo Mohamed a pone nan forzanan artistico hunto pa crea e Proyecto pa tranforma y rindi homenahe na un señora ehemplar cu pa decada a biaha full mundo pa yuda esunnan den necesidad cu fe y Speranza.

   “Mama Sandra” na bida yama Sandra Hurtado tabata labor aña Departamento di Cultura tempo cu esaki tabata situa ainda banda di Misa na Playa y semper e tene e artista den alto y a stima arte den su totalidad.

   Conoci na San Nicolas den su auto chikito dunado esunna cu ms mester cuminda panja y semper cu e idea di trata na reintegra esun cu ta pasa den necesidad back den sociedad.

    Gustave Nouel: Na Hulanda, Gustave Nouel, despues di  ricibi e yamado di Eliaquin Moraga tocante e trabao di “Mama Sandra” y mesora a tuma contacto cu Tito Bolivar di ArtisA Gallery, pa hunto apoya y purba di trece e bon causa aki den publicidad atraves di Arte.

   ArtisA, cu ta biba e situacion di esunnan adicto ambulante na San Nicolas di cerca no a ria pa saca un man y yuda pa cu e proyecto aki.

   Gustave Nouel ta un di e artistanan cu semper a para tras di e proyecto di Arte na San Nicolas y a participa na e prome ruba Art Fair grandemente.

   E cas di Restauracion lo mira un di su muralnan sea transforma pa e dos grandinan aki di un  obra un tiki rustico. For di colornan abstracto poco poco por mira e transformacion di primeramente un webo cu ta converti su mes den un rups y despues ta sumergi den un barbulete grandi cu ta hiba e nomber di Monarch cu bo ta mira masha hopi den Parke Arikok conoci pa su beyeza colorido y exotico. Simbolizando asina e transformacion y bida.

   ArtisA ta hopi orguyoso di por aporta den e tranformacion di San Nicolas, y asisti tur artista cu nan Proyecto y asina poco a poco yegando na e culminacion na fin di aña cu ta Aruba Art Fair November 2,3,4, den Promenade di San Nicolas. Na unda 15 muraya nobo lo ser crea y 10 muraya lo ser restaura. Keda pendiente pa mas informacion of bishita nos website www.arubartfair.org.