Miembro di Partido PPA
ORANJESTAD (AAN): Na opinion di Rigoberto Sint Jago, kende ta miembro di Partido PPA den ultimo eleccion, e ta convenci cu futuro di Aruba ta hinca den Crypto, PayPal y Crecimento di Negoshi Online.
E ta splica cu aruba ta keda dependiente di turismo pa un tempo largo. Mientras miyones di bishitante a experiencia e beyeza di e isla anualmente, ta crucial pa considera con Aruba por diversifica su economia. Un di e posibilidadnan mas prometedor ta den e yegada di moneda digital manera Bitcoin y USDT, y e uso di sistema di pago online manera PayPal. E relato aki ta examina e potencial di e impacto transformativo di e sistema di pago aki riba economia di Aruba y e posibilidad pa crea un industria nobo, sostenibel.
Situacion actual: Segun Sint Jago, e economia di Aruba ta basa principalmente riba turismo, loke ta hasi cu e isla ta vulnerabel pa fluctuacion economico global y desasternan natural. E pandemia di COVID-19 a expone e debilidadnan di e dependencia aki, cu a forsa e isla pa re-analisa su strategia economico.
Un diversificacion di e economia no solamente ta desea, pero ta necesario pa garantisa e futuro di Aruba.
Yegada di Cryptomoneda: Segun Sint Jago, Cryptomoneda, cu Bitcoin como e representante principal, a gana tereno globalmente. E naturalesa decentralisa di e moneda digital aki ta ofrece un alternativa pa e sistema di banco tradicional y pago tradicional.
Pa Aruba, e integracion di Cryptomoneda por crea un industria nobo, cu no solamente ta beneficia comercio local, sino tambe ta atrae inversionista internacional. Esaki por resulta den un sector di tecnologia mas grandi y un independencia financiero mas grandi.
Pago Online: E miembro di PPA ta pensa cu PayPal y plataformanan similar ta permiti negoshi pa realisa transaccion global sin e necesidad di structura di banconan tradicional.
Pa medio di e sistema aki, Aruba por yuda su negoshinan local crece online, aumenta acceso na mercado internacional y reduci su dependencia di turismo. Esaki ta ofrece e comerciante e oportunidad pa presenta servicio y productonan innovador na un publico global.
Impacto riba Economia Local: E integracion di CryptoMoneda y e sistema di pago online por ta un estimulo poderoso pa e economia local. Negoshi nobo por nase, cu ta resulta den mas empleo y crecemento economico. Ehempel di paisnan cu ya ta beneficia di e simpatia cu nan tin pa cu Moneda Crypto ta inclui El Salvador y Puerto Rico.
Den El Salvador, Bitcoin ta oficialmente reconoci como un medio di pago legal. Esaki a resulta den un aumento di invercion cu un cultura di startup floreciente cu ta enfoca riba tecnologia blockchain. E gobierno tambe a introduci un Bitcoin Wallet cu ta yama Chivo, cu ta hasi posibel pa residente hasi transaccion facil, barata y sigur. Esaki no solamente lo aumenta e inclusion financiero di e pueblo sin descriminacion (habri un cuenta), pero tambe a stimula e economia local.
Puerto Rico a posiciona su mes como un destino atractivo pa companianan operando y of cu ta opera cu Cryptomoneda. Cu beneficionan di impuesto pa negoshi ku ta involucra den tecnologia blockchain y un comunidad cu ta crece di Crypto-entusiasta, Puerto Rico a reforsa su status como un hub di tecnologia. E presencia di eventonan manera Crypto Puerto Rico, caminda innovadornan y inversionistanan ta uni, ta ofrece oportunidad pa comparti conocemento y colaboracion.
Ademas, e desaroyo di habilidad digital bow di e poblacion por contribui pa un forsa laboral miho educa y paga, cu ta mihor prepara pa e futuro. Comunidad local por beneficia di un diversificacion economico mas grandi, stabilidad y resiliencia.
Conclusion: Segun Rigoberto Sint Jago, e futuro di Aruba lo depende di e predisposicion pa brasa tecnologia nobo y pensa den forma innovativo. Pa medio di e integracion di Cryptomoneda y sistema di pago online manera PayPal den e economia local, Aruba por reduci su dependencia riba turismo y construi un industria floreciente y versatil.
Esaki no solamente ta ofrece oportunidad pa comerciante local, pero tambe un caminda pa independencia financiero y stabilidad economico pa futuro generacionnan. Ta ora pa Aruba tuma e oportunidad aki y garantisa e futuro di e isla.
