ORANJESTAD (AAN): Pasaheronan cu ta yega Aruba cu vuelonan priva, lo sinti nan mes mas safe ora di baha na e Terminal di Aviacion General, cu ta situa banda pazuid di tereno di Aeropuerto.
Directiva di W Aviation, e terminal aereo priva di Aruba, a sera convenio cu E Ministerio di Boluntario di Freewinds pa haya miho entrenamento cu tin pa mantene e terminal aereo sigur, door di desinfecta cu D7. Arma cu e tecnologia y e hermentnan suministra door di Freewinds, W Aviation sa con pa mantene su lugar sigur.
Anteriormente a duna W Aviation un kit di D7. E kit tin tur e herment y material necesario pa desinfecta cu e agente mas efectivo cu ta mata bacteria y virus riba mercado, D7 of Decon 7. A scohe dos empleado di W Aviation pa haya e entrenamento y sabiduria necesario pa desinfecta e facilidad completamente.
Bon entrenamento ta inclui teoria, preparacion corecto y exacto di e solucion D7, aplica e Df door di spuit y haci e lugar limpi despues. Awor cu nan tin e hermentnan y entrenamento corecto, e terminal tin e habilidad di proteha e facilidad contra e importacion di Covid 19 door di personanan di exterior.
