Rainbow Warriors cu bista riba e Cumbre di Cambio Climatico cu ta cuminza e dianan aki na Egipto

Milton Ponson

ORANJESTAD (AAN); For di dianan 6 te cu 8 di November lo tuma lugar na Sharm El-Sheikh na Egipto, e Cumbre di Nacionnan Uni pa cambio climatico, esta COP27 Conference.

   Milton Ponson di Rainbow Warriors Core Foundation, a splica cu nan grupo lo bay dedica entrante 5 di November te cu 20 di November, atencion na e tema general di Cambio Climatico, e temanan cu ta di importancia pa Aruba como isla chikito, y e temanan cu lo worde discuti y cu lo mester duna un resolucion na final di e cumbre COP27 na Egipto

   Ta debi cu e grupo di Greenpeace Nederland a cuminza cu campaña pa forza Gobierno di Hulanda atende cu Cambio Climatico y su impactonan pa isla di Bonaire, e campaña di comunicacion di Rainbow Warriors Core Foundation lo atende tambe cu e tema di bin cu un plataforma di tur seis isla di Caribe Hulandes pa atende den forma structura cu e tratado y protocolnan pa cambio climatico comokiera cu te awor esaki no ta wordo converti ni den legislacion local, ni den actividadnan concreto pa adaptacion, mitigacion di clima y reduccion stuctural di emisionnan di gas invernal.

   Sinembargo, e tema di Cambio Climatico na Curaçao tin interes y atencion di instancianan concerni, y Rainbow Warriors Core Foundation ta uni su mes na e iniciativa di Curacao pa bin cu plataforma di Cambio Climatico pa tur seis isla den Caribe.

   Milton Ponson a mustra cu tin indicacion cu Gobierno di Aruba tambe ta mandando hende pa atende e Cumbre na Egipto, pero no a haya sa kende ta esnan cu ta bayendo.