Aruba ta progresando den su maneho di desaster

Rino Hermans, Director di Departamento di Calamidad

ORANJESTAD (AAN):  Rino Hermans di Departamento di Calamidad (Bureau Rampenbestrijding Aruba, BRA) a duna di conoce cu nan tabata tin un workshop a base di financiamento cu Aruba ta haya pa loke ta atencion despues di un desaster pa e paisnan por recupera mas lihe.

            Riba e agenda tabata tin 'field trip' pa wak e capacidad di Aruba y un di nan ta e capacidad pa responde den un caso di desaster, Hermans a indica.

            BRA  a 'setup' loke nan ta yama 'TIER 2' pa asina por wak e capacidad di Aruba, kico tin y kico falta. Esaki ta un oportunidad pa BRA, a bisa, cu Aruba ta progresando den su maneho di desaster cu capacidadnan pa por controla un situacion y pa recupera hopi mas lihe for di cualkier incidente.

            El a bisa cu tin fondonan di Union Europeo y 'World Bank' caminda Aruba ta aplica pa fondonan cu proyectonan di cual BRA ta encarga cu e parti di desaster pa keda drecha e capacidad na Aruba.

            Internacionalmente ta sigui sostene Aruba. Ta saliendo for di un pandemia cu a dura 30 luna y financieramente "nos mes como pais ta un tiki debil y ta basa riba e fondonan aki nos por sigui garantisa nos capacidad pa responde y nan tambe ora nan ta inverti, nan kier wak unda nan inversion ta bay y awe nan ta haya un oportunidad pa wak durante tur e añanan cu a pasa cuanto nan a inverti den proyecto y kico nos a haci cu e fondonan cu nos a ricibi", Rino Hermans a splica.