Quinta del Carmen

Na 1906, Adrian Lacle un comerciante Arubiano di e epoca ey, a laga traha un cas grandi ariba e tereno aki.

E cas tabata un dedicacion na su yiu muher Maria del Carmen. Na 1927 Refineria Eagle a bin establece na Aruba a tuma e cas aki y tabata e director di refineria Eagle Mr. Newton cu a biba den e cas aki.

E refineria Eagle tabata tin un necesidad di un hospital y traha un hospital chikito patras di e cas Quinta Del Carmen na unda Dr. Dussenbroek a cuminsa biba den e cas.

Mientras cu Dr. Dussenbroek tabata habita e cas, e Dr tabata experimenta cu plantacion di palo di apel.

Despues di Dr. Dussenbroek tabata Dr. Harmsen a biba den Quinta del Carmen.

Dr. Harmsen tabata cria 6 bina (hert) den e un cura.

Na un banda un tiki mas patras tabata tin famia Ecury cu tabata biba. Despues Dr. Slacht a tuma e cas over.

Durante di Dos Guera Mundial Quinta del Carmen a bira un club di relaha pa empleadonan di e refineria.

Tambe por bisa cu pega cu e cas tabata tin un golf course di 7 hoyo. Esaki tabata construi pa Jack O Hara alrededor di 1937.

Cu tempo e cas a bira un residencia priva.

Quinta del Carmen un tempo tambe a wordo usa pa cas di verpleegsters y tambe pa e dokter di bestia Dr van der Kuyp.

E ultimo famia cu a biba den Quinta del Carmen tabata famia Hamers.

Awe Quinta del Carmen ta un restaurant bon conoci. 

Compila pa Roberto Croes