ORANJESTAD (AAN): Den e ultimo dianan, na Dr. Horacio Oduber Hospital a constata cu e cantidad di pashentnan cu ta yega Eerste Hulp ta subiendo.
Hospital ta atende no solamente pashentnan cu Covid, pero tambe pashentnan cu ta yega pa cualkier otro malesa of situacion.
Dr. Yuri Casseres a haci un peticion pa tur hende keda cauteloso. "Corda cu Intensive Care ta pa tur hende. Purba di comporta durante e dianan di fiesta pa asina cu nos por brinda cuido na tur nos ciudadanonan di Aruba".
Ta ripara cu tin hopi accident di auto e dianan aki unda e victimanan tambe ta yega hospital. Pesey mester purba di ta cauteloso. No bebe y core auto. Corda riba tur otro hende cu tambe mester cuido na Aruba, e medico a expresa durante e conferencia di prensa di Crisis Team y Gobierno diaranson mainta.
