Evento di Long Table Aruba...
ORANJESTAD (AAN): E evento di Long Table Aruba ta casi yega! Y e biaha aki, ta pueblo tin chens di escoge ta cual instancia caritativo lo bay haya e donacion gordo di 40 mil Dollar cu ta ser regala e anochi di evento.
DIARIO a compronde, cu mas di 40 instancia caritativo ta eligible pa haya voto via di e website di Wind Creek Aruba. Cada instancia a traha un video, y bo por check nan tur, y na final bo ta dicidi pa kende bo ta vota. Bo por vota aki:
E evento di Long Table Aruba pa 2022 ta marca tambe e di cinco aniversario desde cu Wind Creek Hospitality a tuma Renaissance Aruba over.
“Nos ta afortuna di ta rondona pa asina hopi organizacion caritativo increible cu ta haciendo bon trabao aki na Aruba, y nos ta mas comprometi cu comunidad Arubano cu nunca,” Paul Gielen a bisa, kende ta gerente general di Wind Creek Aruba. “Ki mihor manera pa nos honra e instancianan caritativo aki, door di invita pueblo pa haya sa mas di cada uno di nan, y na final vota pa e organizacion cu bo ta desea di bay gana.”
Desde cu nan a establece nan mes na Aruba na 2017, Wind Creek Aruba a ilustra su dedicacion na comunidad door di recauda fondo cu nan eventonan mahestuoso manera Long Table Aruba y tambe Winter Wonderland, y suministra hospitalidad y donacion di cuminda henter aña na organizacionnan cu tin mester di esey den emergencia. E evento di Long Table Aruba mes so a recauda mas di 75.000 Dollar na instancianan caritativo di e isla.
Long Table Aruba lo ta Diadomingo 28 di Augustus 2022 pa 7’or di anochi, unda lo cera parti grandi di Boulevard for di Parlamento bay pabao, pa asina por disfruta di un cena special cu 1.000 hende sinta na e mesa largo. Pa bo vota bay na:
https://diario.aw/ar/categories/noticia/general/pueblo-tin-chens-ainda-pa-vota-pa-e-instancia-caritativo-cu-lo-haya-donacion-grandi#sigProId67f426249a
