ORANJESTAD (AAN): Na Futura Spaces tabata tin un conferencia di prensa, caminda Francois 'Pancho' Croes ,
Director di FUTURA hunto cu e team di 'Innovation Summit: The New Era of Reinvention' a anuncia mas detaye di e evento cu ta bay tuma lugar proximamente.
El a bisa cu pa mas di dos aña nan no por a haci un conferencia pa motivonan di e pandemia. Awor nan ta contento di por haci e di tres edicion di e 'Aruba Innovation Summit' cual lo conta cu varios speaker renombra, cu ta innovadornan dinamico manera Roger Osorio, Danilo Weiner di Master Card y Rowena Marin di Google.
E aña aki e evento lo ta habri pa publico ya cu na e dos ocasion anterior tabata pa medio di invitacion so.
E summit aki tin como tema principal pa reinventa bo mes y esaki lo tuma lugar dia 31 di Augustus na Renaissance Convention Center.
