Bureau Rampenbestrijding Aruba:
ORANJESTAD (AAN): Director di Bureau Rampenbestrijding Aruba Sr. Rino Hermans riba e dia oficial cu a tuma luga e “Regional Launch of the Early Warning for All Initiative (EW4ALL) for the Caribbean”, a ricibi pa medio di un mail oficial e documentonan firma cu e proyecto cu Multi Hazard Early Warning System Aruba a keda oficialmente aproba.
Pa e proximo 12 lunanan lo pasa pa e fase di ehecucion pa asina e proyecto aki por keda realisa 100%.
Aruba lo ricibi dicho fondonan aki for di Union Europeo y Bureau Rampenbestrijding Aruba lo percura pa e ehecucion di e proyecto den su totalidad.
Aruba lo beneficia di e proyecto aki pa ya cu e lo ta un sistema moderno y pa multi-uzo.
Director di Bureau Rampenbestrijding Aruba riba diasabra 28 di januari 2023 a firma oficialmente e documentonan pa asina Aruba por tin su mesun Multi Hazard Early Warning System. Despues di 3 aña di pasa door di tur e procesonan door di participa na varios dialogo a ricibi oficialmente dia 28 di januari e documentonan corespondiente pa e acto di firmamento por a tuma luga.
Multi Hazard Early Warning System Aruba ta un proyecto cu ta restaura bou di 'resembid' cual proyecto ta wordo implementa bou di Expertise France pa medio di fondonan di Union Europeo.
A traha cu diferente partner locual y internacional pa asina por a yega na concretisacion di dicho proyecto.
Riba e potretnan por mira e momento cu Sr. Rino Hermans ta haciendo e acto di firmamento pa asina e documentonan por wordo manda pa ricibi e firma oficial di aprobacion for di Resembid / Expertise France.
Potretnan cortesia di Facebook Page di Bureau Aruba Rampenbestrijding
