BARQUISIMETO: Autoridadnan a bin haya sa e siman aki, cu un preso kende ta encarcela na Centro Penintenciario Fénix na estado Lara,
a trata di huy di e prison door di sconde den e chassis di un truck.
E informacion a wordo divulga pa Observatorio Venezolano de Prisiones (OVP), unda nan a identifica e preso como Eduardo Yanes di 29 aña di edad.
E caso a socede, despues cu un truck di carga a drenta e lugar. Y ora di sali, e preso a bay sconde bao di e vehiculo pisa, net riba e differential y drive-shaft di e wielnan patras. Pero el a wordo detecta pa oficialnan di Guardia Nacional Bolivariana.
Ademas di esaki, oficialnan a detene e chauffeur di e truck tambe, y el a wordo identifica como Alexander Vasquez di 36 aña di edad. E potret aki pa cortesia di OVP.
