ORANJESTAD (AAN): Siman pasa partido AVP a scucha preocupacionan grandi di taxistanan y manehadonan di tourbus, caminda por a sinti door di algun tempo caba, cu den comunidad gobierno a midi cu dos midi.
Gobierno ta midi cu dos midi a cu si anteriormente taxistanan por a haya turista ora cu nan sali for di waf of tourbusnan por a haya turista ora cunan sali for di tereno di waf, pa motibo di reglanan di protocol ta bisa turistanan cu nan no por sali pero gobierno no ta tene cuenta cu e interes, e dolor cu esunnan cu ta bibando ya caba pa casi dos aña sin cu turista na Aruba, ta bibando na e momentonan aki,
Tin un falta hopi pero hopi grandi di comunicacion y un falta di atencion di parti di gobierno, pa e dolor cu tin den comunidad actualmente y loke mi persona por sinti for di combersacionnan cu mi a hibe, cu e inconsistencia den e maneho, ta locual mas ta crea disgusto y iritacion.
Pueblo por a mira esaki den e bida nocturno, caminda cierto luganan ta worde atendi den un forma casi brutal y otronan ta laga nan keto y e tipo di inconsistencia aki ta locual ta trece duda den maneho di gobierno, den e derechonan cu a worde trata igual.
Na e momentonan aki ta mira cu ta pasa mesun cos aki na waf cu turistanan crucero caminda e taxista, caminda manehadonan di tourbus chikitonan ta worde poni den un posicion di desbentaha contra esunnan organiza y mas grandi.
Semper tabatin situacionnan caminda tabatin busnan organiza pero semper tabatin oportunidad ora cu turistanan sali for di tereno di waf, nan por tuma cualkier tourbus, nan por tuma cualkier taxi y na e momentonan aki, e situacion ta full diferente caminda tin falta di consideracion pa cu e taxistanan y e tourbus operatornan chikito, pa duna nan un oportnidad husto na e momentonan aki.
AVP ta sumamente preocupa cu e situacion aki y lo bay cuestiona esaki den Parlamento, haci e preguntanan necesario pa pone atencion riba e tema aki caminda no ta husto locual ta sosodiendo actualmente.
E tempo di bisa cu e no sa kico ta pasando no ta bay op mas den e pais aki, a cu tin hopi dolor, tin hopi sufrimento y tin hopi abuso tumando luga y no por sigui biba como gobernante cu ta keda bisa cu nan no sa di nada mientras cu e disgustonan aki ta sigui crece den pueblo.
En berdad ta un asunto cu tin cu worde atendi door di diferente Minister pero e persona ta kere cu e Minister President ta esun cu finalmente ta responsabel pa tur loke ta pasando den e pais aki, ya cu or tin cosnan bin e ta prome para pa corta sinta pa tuma credito pero ora cu presenta un situacion cu ta dificil y doloroso asina.
