ORANJESTAD (AAN): Prepara pa bo inscribi bo yiu pa e ricibi e Sacramento di Confirmacion 2022 na Parokia Inmaculada Concepcion Santa Cruz.
Parokia Inmaculada Concepcion di Sta Cruz den nomber di Pastor Jairo Maduro y Pader Jose Miguel Nava, ta informa cu ta bay habri inscripcion pa Sacramento di Confirmacion pa e aña aki.
Bo tin di bay inscribi riba e fecha segun ta cuadra cu e scol cu bo yiu ta bayendo! Tuma bon nota di esaki.
Pa alumnonan di Maria School y Cacique Macuarima School, esaki lo ta Diaranzon 9 di Februari 2022 for di 5:00 pm te cu 7:00 pm, na Centro San Martin na Santa Cruz.
Pa alumnonan di Colegio Laura Wernet Paskel, Colegio San Hose, y Colegio San Antonio, esaki lo ta Diahuebs 10 di Februari 2022 for di 5:00 pm te cu 7:00 pm, na Centro San Martin na Santa Cruz.
Tuma bon nota cu mester trece un copia di e papel di Bautismo, un copia di prome Santa Comunion, un copia di e certificado di Confirmacion (of trouwboek) di e madrina of padrino.
