ORANJESTAD (AAN): Ya caba a cuminza haci preparacion pa e ultimo gran evento mundial di Beach Tennis 2022, y esaki lo ta e “Aruba Open 2022” cu lo tuma lugar aki algun siman riba e isla aki.
Varios atleta internacional ta considera esaki como e evento di Beach Tennis similar cu nan ‘Wimbledon’.
DIARIO a tuma nota cu ya caba e preparacionnan ta ser haci na beach di ex-Bushiri Beach Resort pa e evento ta full set-up na su ora.
E evento ta wordo considera tambe un ‘Beach Party di 7 Dia”, y ta atrae atletanan for di 40 diferente pais, y ya caba a menciona nombernan grandi manera Nicole Nobile, Theo Irigaray, Alessandro Calbucci, Alex Querna, Marty Salokas, Michele Cappelletti, Maria Buuts, Sofia Cimatti, Aksel Samardzic, y Antomi Ramos Viera.
E evento ta tuma lugar for di Diadomingo 13 di November 2022 te cu Diadomingo 20 di November 2022.
